..×.. تعيين مراقبين و مشرفين ..×..

السلام عليكم و رحمة الله و بركاته

أحوالكم يا حلوين ؟؟ علومكم ؟؟ علوم المنتدى وياكم ؟؟؟

إن شاء الله كل شي تمام و صحه و عافيه و سلامه

كتبت هالموضوع لأني أبي أشاوركم في عدة أشيا .. و أعرف آرائكم بعدة أشيا ..

أول شي ... أبي أعرف رأيكم بالمنتدى إلى الآن ؟؟ شو تحسونه ؟؟ مرتاحين فيه يعني ؟؟
ولا تحسون يبيله تعديلات وايده ؟؟؟ ( حاليا أنا قاعده أشتغل عالفيسات للموضوعات .. و ان شاء الله يوم أكمل المجموعه بحطها لكم بالمنتدى )

أبي أعرف شو رايكم بالأقسام ؟؟؟ تحسونها أوكيه ولا مصختها و حطيت وايد ولا ناقصه ؟؟

و شو رايكم بعد بترتيب المواضيع ؟؟ و الله بقدر المستطاع أحاول أحذف و أعدل و أرتب .. بس بعد .. الايد الوحده ما تصفق ..

فقلت أشاوركم بموضوع المراقبين و المشرفين ..

أبا 2 مراقبين حاليا .. عالمنتدى .. لأني مب قادره أنظم و أرتب فيه بروحي .. و عاد مرات أنشغل و ما أقدر أدش .. فما أبا يتبهدل المنتدى و يتراكم كل شي .. فقلت آخذ رايكم .. منو أنسب اثنين اتجوفونهم وقد الثقه أني أعطيهم الصلاحيات على الأقسام كلها ... بصراحه شي أعضاء معينين ببالي .. بس قلت آخذ رايكم بالأول و عقب يصير خير ..

و الشي الثاني .. أبي ثلاث مشرفين .. على الاسلامي و العام و الألعاب و التسليه .. بما أنه هالثلاث أقسام حاليا هي أكثر الأقسام نشاطا .. فاللي يجوف نفسه أنه قدها .. يخبرني .. و بنشوف

يا ريت ما تخذلوني و تساعدوني والله .. لأنه صدق صعب علي أني أدير كل شي بروحي ..

إذا ما حصلت استجابه .. بعين مراقبين و مشرفين على كيف كيفي .. اللي أحسهم أهل لهالشي .. و بعدين لاحد منهم يتعذر و يقول ما أقدر و ما أدري شو لأنه بيكون ملزم أنه يكمل شغله .

<<<<< أحلى هنااااااااك

و صح .. أبي أعرف رايكم أم خليل و بياض الثلج عن قسم التجويد ... و هل توافقون أنكم تشرفون عليه ؟؟؟؟

يلا يا حلوين أترياها ردودكم ... ( ما بتريا وايد ترا )

بحفط الله و رعايته

الصرااحة المراقبين أنا أختاار يدنا السعيد لأن هو دايما يدش ويشوف أحاوال المنتدى وجي أو نوور هي بعد تستااهل أنها تكون مرااقبه

وأنا الصرااحة مرتااحة
بالمنتدى وااايد

وكل شي أووكي

السلام عليكم و رحمة الله و بركاته

عليكم السلام والرحمــــه
أحوالكم يا حلوين ؟؟ علومكم ؟؟ علوم المنتدى وياكم ؟؟؟
تمااام ربي يسلمج .. الحمدلله بخير وصحة وعافية ..
منتدى مطبطب مية مية
إن شاء الله كل شي تمام و صحه و عافيه و سلامه

الحمدلله والشكر .. نعمة

كتبت هالموضوع لأني أبي أشاوركم في عدة أشيا .. و أعرف آرائكم بعدة أشيا ..

حياااااج .. ^^ تفضلي .. كلنا آذان صاغية

أول شي ... أبي أعرف رأيكم بالمنتدى إلى الآن ؟؟ شو تحسونه ؟؟ مرتاحين فيه يعني ؟؟
الى الان .. زين مافي عرقلة .. حلو ما شي مشاكل .. مظبوط .. اذا في لا تخافين على طول بتشوفين المسجات وصلتج
ولا تحسون يبيله تعديلات وايده ؟؟؟ ( حاليا أنا قاعده أشتغل عالفيسات للموضوعات .. و ان شاء الله يوم أكمل المجموعه بحطها لكم بالمنتدى )
شي جميل
أبي أعرف شو رايكم بالأقسام ؟؟؟ تحسونها أوكيه ولا مصختها و حطيت وايد ولا ناقصه ؟؟
واللهي يا ست .. احس ان في زيادة مش ضرورية
خليني اوضح لج .. انا ما اقول زيادة يعني احذفي .. لا .. قصدي في الصفحة الرئيسة شي اقسام لازم تكون موجودة او محتوى لاقسام رئيسية لانها فرعية ..
فلا تحطينهم عــ الرئيسي .. ها رأي
و شو رايكم بعد بترتيب المواضيع ؟؟ و الله بقدر المستطاع أحاول أحذف و أعدل و أرتب .. بس بعد .. الايد الوحده ما تصفق ..
كل شي اوكي .. بس في شغلة .. شوفي في المواضيع يوم الواحد يكتب موضوع لازم يكون في المقدمة صح.. لاكن اذا واحد راح كتب رد لموضوع قديم راح يجي للمقدمة
هني تصير خربطة شوي ..
فقلت أشاوركم بموضوع المراقبين و المشرفين ..
ها الي كنت انطره من بداية فتح المنتدى الكريم .. وانطر متى تحطين الموضوع وحان الاوان

أبا 2 مراقبين حاليا .. عالمنتدى .. لأني مب قادره أنظم و أرتب فيه بروحي .. و عاد مرات أنشغل و ما أقدر أدش .. فما أبا يتبهدل المنتدى و يتراكم كل شي .. فقلت آخذ رايكم .. منو أنسب اثنين اتجوفونهم وقد الثقه أني أعطيهم الصلاحيات على الأقسام كلها ... بصراحه شي أعضاء معينين ببالي .. بس قلت آخذ رايكم بالأول و عقب يصير خير ..
مرااقبين .. الصراحة انا اشوف جدنا( الجد السعيد ) حدق وملاحظجي .. ومراقب بمعنى الكلمة .. ويستاهلها بجدارة
والثاني .. ما عندي فكرة .. انا اقول بما ان الاعضاء بعدهم على عددهم ما زادو .. يعني شويه .. فما يحتاج مراقبين خليه واحد احسن .. كافي
و الشي الثاني .. أبي ثلاث مشرفين .. على الاسلامي و العام و الألعاب و التسليه .. بما أنه هالثلاث أقسام حاليا هي أكثر الأقسام نشاطا .. فاللي يجوف نفسه أنه قدها .. يخبرني .. و بنشوف
هيه .. وانا ناطر ها الكلمتين .. خصيصا يااي عشاانهم
.. يااي اتقدم للاشراف وانا قدها .. بدون نقاش
شوفي يا ست المديرة ( كاواي ) انا مستعد اني اكون مشرف بمعنى الاشراف .. ثقي فيني واعتمدي علي ..
هي .. بالنسبة للاشراف انا اقول ليش ما تخلييني مشرف عام مرة وحدة انا اغلب مشاركاتي في المنتدى كلها وخاصة الاسلامي والعام او اقول تقريبا كلها
اعتمدي علي يا ( كاواي ) ابي العام لاني افتر المنتدى يوميا مش على قسم . لا بأكمله ..
وعندي مسؤولية للاشراف واعرف اشتغل بكل ضمير ..
فــ شوو رااايج .. ؟؟
وانا اقول لو كان مشرفين عامين يغنون من ان يكون على كل قسم اشراف
لان جي يكون عدد محدود من الاعضاء فقط .. فمراقب ومشرفين صدقيني كفايا عــ المنتدى
اذا كانو مشرفين ماسكين الاشراف صح ..
.. طبعا انا رشحت نفسي كمشرف .. والثاني اشوف انسب وحدة هي ( مس فكر ) هي قد الاشراف
وتعرف كيف تتعامل وتتصرف وما شاء الله عليها يعني مبدعة في ردودها ومواضيعها وتعرف شو الي عليها
وهي بعد تيلس وايد عــ المنتدى يعني تقدر تشرف عليه

يا ريت ما تخذلوني و تساعدوني والله .. لأنه صدق صعب علي أني أدير كل شي بروحي ..
.. افا عليج انتي تامرين امر

إذا ما حصلت استجابه .. بعين مراقبين و مشرفين على كيف كيفي .. اللي أحسهم أهل لهالشي .. و بعدين لاحد منهم يتعذر و يقول ما أقدر و ما أدري شو لأنه بيكون ملزم أنه يكمل شغله .
لا شو على كيفج .. براحة براحة .. صلي عــ النبي
<<<<< أحلى هنااااااااك

و صح .. أبي أعرف رايكم أم خليل و بياض الثلج عن قسم التجويد ... و هل توافقون أنكم تشرفون عليه ؟؟؟؟

بيوافقون ما عليج .. ام خليل انا بترصف معاها بطيح فولدها ضرب لين ما تقول هي

يلا يا حلوين أترياها ردودكم ... ( ما بتريا وايد ترا )
..
بحفط الله و رعايته
مع السلاااااكة

فلافي حبيبتي تسلمين على الرد ..

جيلبااااا ... و الله ردك جمييييييل أجمل منك

بقولك اللي كانو ببالي ..
فكرت اعينك انت و جدوو مراقبين عامين .. لأنكم الأنسب الصراحه .. بس قلت آخذ رايكم بالموضوع أول

و فكرت أعين أم خليل على العام .. و بياض الثلج على الإسلامي .. و مس فكره على الألعاب و التسليه ..

بس بصراحه فكرتك جميله ..

حلوه نكتفي بمراقب عام واحد .. و مشرفين عامين ..

خلاص خلنا نشوف راي الأعضاء بالأول

و سالفة المنتدى .. المشكله أني انا بعد أبي أسويها أقسام فرعيه .. بس تصميم المنتدى ما يسمح .. يعني القسم الفرعي بيكون ظاهر على الصفحة الرئيسية .. ( نفس قسم التجويد في الإسلامي ) فشكله طالع مو حلو أبدا .. عشان جي قلت أكتفي بهذا الحين .. و بعدين اذا غيرت ثيم المنتدى بعدله .. ولا شو رايك ؟؟ لأنه تعب علي أغير الثيم الحين .... هو مش تعب بس بضطر لإغلاق المنتدى لعدة أيام .. فما أدري ..
اذا تجوفون شكل المنتدى مزعج خبروني ..

بس ما فهمت عليك في سالفة المواضيع .. ممكن ترد تشرح مره ثانيه ؟؟

و انت و الله على العين و الراس .. و فيك الخير و الله .. بصراحه أول واحد فكرت أعينكم انت و جدو لأنكم نشيطين و قد المسؤوليه إن شاء الله ..

و لو سمحت جيلبااا .. لا تمد ايدك على ناكامارو صغير ( ولد أم خليل ) .. فدييت قلبه اللندني الياباني .. ربي يحفظه إن شاء الله

و بعدين جيلباا ما قلنا ما يحتاي تسليك و تزبيد ؟؟؟

يلا أتريا ردود البقيه الباقيه ..

مستعدة اخذ العام ومع بياض على التجويد
اما المشرفين العامين نفس ما قلتوا جدنا الحبوب والبرتووو ايشوووو
ولكن بعد يبالنا وحدة من البنات عشان المواضيع الحريمية مثل الطبخ والازياء والتجميل
وانا ارشح الانسة فكرة لما لها من اسلوب مميز جدا في عمل المواضيع وترتيبها وتجميلها وبالتاكيد هي غنية عن التعريف عندج لكني ما شفت اسمها ضمن المرشحين

و سالفة المنتدى .. المشكله أني انا بعد أبي أسويها أقسام فرعيه .. بس تصميم المنتدى ما يسمح .. يعني القسم الفرعي بيكون ظاهر على الصفحة الرئيسية .. ( نفس قسم التجويد في الإسلامي ) فشكله طالع مو حلو أبدا .. عشان جي قلت أكتفي بهذا الحين .. و بعدين اذا غيرت ثيم المنتدى بعدله .. ولا شو رايك ؟؟ لأنه تعب علي أغير الثيم الحين .... هو مش تعب بس بضطر لإغلاق المنتدى لعدة أيام .. فما أدري
.. اوكي عيل راااينا من رااايج .. لا لا ما يحتااي تغلقين المنتدى .. خلاص جي اوكيه

اذا تجوفون شكل المنتدى مزعج خبروني ..
للحين تمااام .. مية مية

بس ما فهمت عليك في سالفة المواضيع .. ممكن ترد تشرح مره ثانيه ؟؟

هيه .. مثلا يوم انت تحطين موضوع في المنتدى العام اوكي .. وبعدين انا اجي احطي موضوع ..
فلازم موضوعي يكون في المقدمة لاني انا حطيت الموضوع قبلج صح
لاكن اذا حد من الاعضا يا ورد على موضوعج فيروح فالبدايا قبل موضوعي ..
فجي الموااضيع تتلخبط .. انا اباهم يترتبون على حسب التاريخ والوقت وليس الرد

....

هي وسالفة الاشراف والمراقبة ..
مثل ما اتفقت معااج ان ( الجد السعيد ) بيكون المراقب ونكتفي بواحد حاليا

.. اما المشرفين ( الي انا بكون واحد منهم ) والثاني هي مس فكرة
مثل ما قالت ام خليل وحدة لازم تكون من البنات عسب بعد شي مواضيع حريمية
وهي ماشاء الله ابداع وذوق وفن

...

يعني الحين انا حصلت على صوتين ( من ام خليل ومنج ) ومس فكرة ايضا صوتين ( من ام خليل ومني ) ..
يعني ماشي حد غيرنا .. بس انتي اصبري ممكن حد من الاعضاء يباا يرشح نفسه او اي حد يمكن عنده اعتراض ..
فخلونا نصبر شوي .. او اذا انتي عندج اعتراض

البرت انيشتاين ... 2
مس فيييييكرة ...2

.. ام خليل ..انتي وبياض .. انسب لكم التجويد .. لنه مجالكم وتتقنون فيه .. اما اذا خلينا اكثر من 2 تصير لخبطة .. مش لخبطة يعني عدد الاعضاء بعدين يصير محدود .. اوكي هوني

يلااااا مع السلامة ..

مس فكره كنت حاطتنها ببالي بس مب كمشرف عام .. لكن صح كلامكم .. نحتاج لبنت في السالفه

خلاص تم ..

المراقب العام : الجد السعيد

مشرف عام : جيلبا

مشرف عام : مس فكره

التجويد + الإسلامي : بياض الثلج

التجويد + العام : أم خليل

بتقولون ليش خليت مشرفين بعد عالعام و الإسلامي

لأنه قلت لكم .. هالقسمين هم أكثر الأقسام نشاطا .. و يا الألعاب اللي كنت أبي أعين مس فكره عليه .. ( لأنه أكثر قسم بيتبهدل في المستقبل .. ترييوا علي انتو بس )

عشان جي .. انا بعطيكم صلاحيات كل الأقسام .. ( للمراقب و المشرفين العام )

و صلاحيات العام و الاسلامي ( حق ام خليل و بياض )

و بسوي قسم خاص لإجتماعات المشرفين و بنزل فيها طرق الإشراف للي ما يعرف ...

إلى الآن الأقسام حلوة ومفيدة ، وفي أهم الأقسام اللي نحتاج لها وتونسنا بإذن الله

ما قصرتي يالغالية وأضفتي كل ما طلبنا

بالنسبة للمشرفين والمراقبين أنتي أدرى بكل واحد منهم وجدارته أكيد تعاملتي معهم وعجنتيهم ، وتعرفي من قد المسؤولية
من رأي اختاري أنتي الأنسب والأجدر
وأنا أرشح نور و أم الخليل
وموافقة أن أكون مشرفة على قسم التجويد مع أم الخليل -بإذن الله -

ربي يوفقنا لما فيه الخير بالدارين

السلاااام عليييكم

كيف الحال جميعا

اعتذر بشده

الصراحه منصب المشرف العام كل من يتمناه

بس انا مو قدها

لاني فتره ادش عقب فتره فجأه انشغل

ما اظمن اني اتواجد دائما

انا آسفه

.........

مبرووووووك جدوووو مبرووووك عـ المنصب الجديييد

..

ومبروووووك عدنانيسكو الغالي عـ منصب المشرف العااام اللي تمنيييته دوووم

وعزيزاتي بياض الثلج وام خليل مباركن عليكن المنصب الجديد

..

عزيزتي المديره ..

لو تعينين مشرفة قسم على الاقسام التي تخص النساء يكون احسن

..

احس مشرف عام واحد يكفي للمنتدى الحلووو

...

وارد اعتذر عن ترددي في أخذ المنصب الجديد

ارجوو ان تتفهمو عذري

تحياتي

مع أن ردي جاي متأخر بعد أن تم اتخاذ القرار

لكن بعدني حبيت أدز خشمي

بالنسبة للمقدمة الطويلة و لأسئلة من قبل المديرة، حسيت الد.إيشششووووو الله يخليه

راد بإجابات منطقية، أوافق على أغلبها

جدنا الغالي مراقب.............. صراحة المنصب كأنه محطوط عشانه

إيشششووو.........مشرف عام تماااااااااااام

و بياض و أم خليل امبعد مناسبين لقسم التجويد و القسم العام

و الميس فيييييييييكرة فديتها معذورة

رغم أن غيابها بيسبب وحشة في المنتدى

إحساس من الصميم

بس تعالوا وين تاج البلوش، ما له حس و لا نفس، أظن أنه جدير بالثقة و شطوور فها الأمور،

تفاهمي معاه يا المديرة، ما يصير ها الكسل و هو ما شاء الله شاطر في الكمبيوتر و احنا فبداية الأجازة

و بالنسبة للي رشحوني

أقدر ثقتكم بس أنا موقدها صراحة

لأني ما وايد خبرة أولا

و ثانيا و الأهم أني فيري سووووووون إن شاء الله ببدأء الدوام

و مو أي سنة هاي، بحضر للMD اللي أحاتيه من سنوات، الله المستعان

وكان هذا اتفاق مسبق بيني و بين المديرة أني ما أشرف عأي قسم (من وراكم)

و أشكر المديرة الغالية بالنيابة عن الجميع و نقدر جهودها الكادحة في سبيل تنظيم و تسيير المنتدى

جزاك الله عنا كل خير و الله ما قصرتي، و في ميزان حسناتك إن شاء الله

مس فكروو عاد شنو ها الحركات ...اقل شي اخذي القسم النسائي تعرفين محد جدير بالاشراف فيه غيرج لان لج خبرة في الترتيب والتنسيق ...وعندج افكلر رائعة
اظني ترومين على قسم ...وبعد عشان نحن نبغيكم موجودين دايما ...على الاقل في المجالات التي انتو مشرفين عليها لانه
يسعدنا تواجدكم

ان شاااء الله حبيبتي ام خلييلوو ولا تزعلين

اشراف القسم النسائي حلووو

بعد إذن المديره

انا موافقه على اشراف القسم النسائي..

وان شاء الله اكون قدها

سوري حبايبي ع الرد المتأخر ... بس ودي اشكركم على ثقتكم بي ...

و على ترشيحكم لي على ان اكون مراقب عام ع المنتدى .. ترى الكل يعرف اني

ادز ريلي في كل مكان ... عسب جي يفضلوني مراقب عام ((رادار pirat

))

شكرا شكرا ...

تاج البلوش النت عندهم معطل .. بس أول ما يشارك في المنتدى بستغل خبراته في النت ..

خلاص بعين مس فكره على القسم النسائي إن شاء الله ..

دمتم بود

اعتذر على تأخري مبروك للمشرفين الجدد يلا عاد اشتغلو زين ساعدو مديرتنا king