العطلة الصيفية

[color:8fe8=darkred]تعالوا يا أحلى الحلوين بما إن كلنا مأجزين ، كل وحده منا تقول شو تسوي بالإجازة أهم الإنجازات والطاقات والتفجيرات الصيفية؟
يالله قولو بسم الله ومن تبدأ

أشكرج عزيزتي على هذا الإقتراح و أنج عطيتينا الفرصة نستفيد من تجارب بعض

بسم الله الرحمن الرحيم

السلام عليكم و رحمة الله و بركاته

اسمحو لي عاد ييت أثرثر و أتكلم عن جدولي للي حطيته و خططت له و أسأل الله أنه يعيني على التطبيق

- أولا كورس الإليكتيف:
- بالنسبة لي مهم (مع ان الأغلبية يعتبروه شهرين عسل و فرفشة و سياحة) عساس أراجع بعض المواضيع إستعدادا للسنة القادمة
ربي جعلها سنة يسر و خير يا رب

- و بعد استفدت من أني تعلمت المسؤولية و كنت مثل ربة بيت أطبخ بعد ما أرد من الدوام (عاد اشتقت لدلع ماما) :queen: ،
- عرفت إيش كثر الطبخ سهل و أنه بس يحتاي شوية بيسكس و ممارسة و بعدين عقلية مبتكرة، عاد صرت أطبخ ناروشت و ناشف لحم و سمج ووو ما شاء اللله تبارك الرحمن صراحة أيام حلوة ما بنساها

- و بعد تعلمت أني أقتصد في المصروف و أنظر للمستقبل

- و بالنسبة للشهر اللي بيبقى لي بعد الرجعة من السفر إن شاء الله أحب أستغله في:

- مراجعة السور اللي حفظتها من القرآن
-في كتب معينة فبالي أبا أشتريها و أقراها إن شاء الله

-في مهارات و إهتمامات خاصة أبا أطورها إن شاء الله

-و تدريب السياقة اللي وراي وراي

أفكر أني أستغل حبيبي و غلاي تاج البلوش(مصلحة) عشان يعطيني دروس خصوصية إن شاء الله

- في بعض المواضيع اللي ما غطيتها أثناء دراستي في الإليكتيف أبا أراجعها قبل سنتي الأخيرة إن شاء الله

هذا تقريبا اللي فبالي، و بانتظار مشاركاتكم و خططكم المبدعة و الهادفة

و أطلب من الجميع يدعون لي بالتوفيق في سنتي القادمة ، ترا دومي أحاتيها و أحاتي بطش الدكاترة

ربي يرحمنا بس

و مشكورة حبيبتي سنووايت على الموضوع الجميل، ربي يخليج

سلام عليكم ...اخباركن عزيزاتي ...اتمنى لكن اجازة صيفية موفقة ومباركة flower

بالنسبة لي لا ادري ماذا اقول ...لكاني ساطلب النصيحة ...فاغلب وقتي يمر على حبيبي الغالي خليل المشاكس :geek: ما شاء الله عليه سياخذ الجائزة الكبرى في الشغب king

ولكني اسال الله ان يوفقني لما يحبه ويرضاه لي من عبادات ...لدي كتب منذ نوفمبر الماضي ولم اتمم study

قراءتها خوفا من طفلي الذي تجرا ومزق صفحة من كتاب غال علي ...لا اقرا الا اذا جلست بعد صلاة الفجر

ما شااااء الله عليييج نووور..الله يوفقج ان شااء الله

اما انا داااخلة ف ملتقى صيفي ان شااء الله وهناااك في وااايد اندية مثل المشغوولات اليدوية والتصمييم ووو.... الخ

في بعد فقه وعقيدة ونحو و تجوييد وحفظ القراان ان شااء الله استفييد منه

تسلميين حبيبتي ع الموضووع الرائع الي فتح لنا مجال ما نسويه ف العطلة الخيرة ان شااء الله

ماشاء الله عليكم يا بنات البيت السعيد ، فعلا استفدت منكم كثيييير ، نحن بحاجة نشد همة بعض ونشجع بعض أكثر ،
ونتنافس على العبادات
أهم شي عندي في اليوم المحافظة على الصلوات بوقتها
وصلاة الضحى
أراجع الحفظ وأقرأ تلاوة
وأسبوعيا أحاول أختم البقرة كتحصين
مشتركة في مركز صيفي يومين باللأسبوع أدرس مادة نشاط القرآن
وباقي الوقت الأمور البيتية من كي وغسيل وتنظيف
أحيانا زيارات وطلعات

تسلموووووووووووووووووووووووووووووووووووووووووووووووووووووووووووو يا حفيديتي الشطورة ع الفكرة الحللللللللللوة ..

بالتوفيق حبااااايبي في اصيافكم ... و ان شاء الله تستمتعون و تستفيدون بعطلة صيفكم هذا ..

انااااااااااااااااا صراحة ما عندي شيء باااارز عن صيفي اقوله ... يالس في البيت و ع اللاب
... ( يعني شو تتوقعون حباااايبي من جدكم يسوي في العطلة الصيفية ؟؟)

السلاااام عليكم

عادة كل صيف كنت اعيشه تقريبا مع كاواايي

بس هالصيف غير

كبرنا وتغيرت عاداتنا وافكارنا لوووول

هالصيف .. اطور فيه ذاتي

هالصيف .صيف الابداع وتفجير الطاقات

هالصيف..صيف اجازتنا غير

اشتغل على ريبورتين علميين ..
الشزفرينيا والدوده الشريطيه

اصمم بروشورات ..بعرضها قريبا في المنتدى :queen:

اتريا موعد السفره مع العايله واخطط كيف نخليها غير هالسنه
احلى من كل السفرات نظرا ان كل خواتي يتمنون يحضرون السفره
ام نصور وام خليل وام عزوز

استغلال هالصيف في اختراع خلطات وطبخات جديده

ويسلمووو الغاليه عـ الطرح king

حلوه خططكم الصيفيه ..

أنا عن نفسي قررت أني أتقرب من ربي هالصيف أكثر .. و اهتم بديني أكثر و أحفظ القرآن ..
الحمد لله تركت سماع الأغاني ( ربي يثبتني على هالشي ) .. و بديت حفظ القرآن الكريم ...
و غيره بديت أقرا كتب و أتثقف .. و الحمد لله خلصت مجلد رجال حول الرسول و باديه في خلفاء الرسول .. و بعده ان شاء الله ببدا بطباع الحيوان لأرسطو طاليس ..

غير هذا قررت أستغل هالصيف أتعلم الطبخ من ايناس .. ما يستوي أطوف هالفرصه هههه .. و قلت اهتم في نفسي و ويهي و شعري أكثر و الحمد لله لاحظت تطورت مع اني بديت من اسبوع بس .. ( كل الشكر لكاليا .. نصايحها تساوي الماس ربي يحفظها )

و طبعا خصصت وقت أتابع فيه الأنيمي ( نقطة ضعفي ) .. و خصصت وقت لرسم المانجا و أتعلم أساسياته ( و الحمد لله تقدمت في هالمجال ) .. و غير المانجا خصصت وقت للقصص .. أقعد أكتب قصص و أبحر في خيالي الواسع << أمحق هممممممم ... و قررت أني أخصص وقت للأوريغاني ( فن طي الورق الياباني ) .. و الأشغال اليدويه ..

و فكرت بعد أني أسوي مع كاليا مشروع صغير .. بس ما بخبركم عنه إلا إذا قدرنا انسويه .. إن شاء الله

يعني عندي خطط وااايده و أشيا واايده أبا اسويها .. و منه الرجيم طبعا .. ( مبتلشه بهالوزن اللي ما ينزل .. ربي لك الحمد )

إن شاء الله يمر هالصيف و يكون أحلى من الأصياف الماضيه اللي مرت بدون اي فايده ..

و تسلمين حبيبتي بياض الثلج عالموضوع .. لا هنتي يا رب

[color=green]يصراحة تأثرت لما قرأت كلام كاواي أجمل صيف بل أجمل أيامك إنك تفكري هذا التفكير الكبير همك : تقتربي من ربك أكثر
لوكنتي أمامي إلحين تستاهلين حضنة عن خاطر ، ربي يثبتك ويوفقك لكل الخير فديتك .
بصراحة زادت همتي أكثر ، وتشجعت على قيام الليل والعبادات أكثر...
ولكم مني مفاجأة في الغرفة الإسلامية بعنوان : أعظم فرصة[/color]

السلااام عليكم

الصراحه وااايد استانست عليج كاااواااييي ومخططاتج للصيف

الله يفتح عليج
ويثبت حفظج
ويزيدج علما

:queen:

انا من اشد المشجعين للمخططين

ومنكم نستفيد

موفقه عزيزتي

واسال الله لكم التثبيت انتي والاخت كاليا

-حبيبتي كوايي، ربي يثبتج على اللي يرضيه و يعينج على تحقيق اللي تبينه، صراحة استفزتني و أسعدتني خطتك الرائعة ، نصيحة مني واضبي على هذا الدعاء: الهم يا مقلب القلوب ثبت قلبي على دينك، اللهم وفقني لما تحب و ترضى

- و الحلوة مس فكرة، الله عينج و يوفقج، أنا في الخدمة إذا احتجتي أي شي عن الشيزوفرينيا

- و جدي معذور صحته ما تسمح له غير ييلس عالاب

- و أكرر شكري لبياض على فتح باب النقاش
الله يخليج يا رب

... هي جذي الصيف.. صييييفكم مب احنااا .. ياا ساااتر

.. الصراحة ماا عندي شي اسويه في الصيف .. لحد الحين مشغول في اعمال الجامعات
اجمع اوراق اودي وايب من هاي الجاامعة لين هااايج وموااعيد ومقاعد دراسة ..

..وبعد مشغول في اليوم كله تقريباا ..

من الصبح 7 لين 10 ونص اسير السواقة .. ليسن ^_^ شعور جميل .. لاكن للأسف تحطمت .. اهئ .. اهئ وانا امتحن ضربت الرصيف ورسبوني في امتحان الباركنج .. يااا خراااابي ..

ومن 11 لين 1 اسير التوفل .. امتحن عسب الجامعااات يقبلووني ..

واي 1 اصلي واتغدى وارقد لين العصر ..

عندي اشغال جانبية اخرى .. ومنهاا يرووح الوقت .. واخر ثلث من الليل ما قبل النوم اخصص ساعة تقريبا للمنتدى ..

مو شرط بس الليل ,, وقت ما اكون فاضي ادخل بعد ..

.. وجي ينتهي يومي وتنتهي خطتي اليومية ..

إيششووو ربي يوفقك إن شاء الله

ما شاء الله جدول حافل

لا تحاتي الليسن بييك غصبا عنه إن شاء الله، أحس في اللي يرسب في ترايات السياقة

أنا بعد تحطمت نفسيتي لما رسبت في تراي الدرامات
بس هين عدا على خير

إن شاء الله بتحصل التخصص اللي يناسبك

نصيحة مني: صلي الإستخارة أكثر من مرة ولو كنت متأكد من المجال اللي إخترته (ما خاب من استخار و ما ندم من استشار)

دعواتنا معاك، ربي يوفقك إن شاء الله

أنا الصرآآحة الي

عندي هو أني في الصبح من ساعه ثماانيه أروح المسيد تحفيظ قرآآن والسااعه 12 أرد أتغدى أيلس عنـت إلين ساعه 10 أشوف تركي إلين ساعه 2 وأرقد
وبيناتهم آآكل وأصلي وأشرب مويه وأصرخ وأعض واخرب وكل ها

ما شاء الله الصراحة الإجازة عدكم مدروسة بالتفصيل
أما أنا في البداية إنشغلت بأسوأ مهمة إلي هي تدريس أخوي حمود
حق الدور الثاني
بس لما خلص
إتفضيت حق
عمري
أتم ساعات أحفظ سورة البقرة و ما أخلص صفحة وحدة
و أتم شوي على مواقع الرياضيات
أو أيلس عالمنتدى
الصراحة الصيف ممل
لأني خططي كلها راحت مع حمود
فهو دمر حياتي
cry3

أستهبل
بعدني الصيف يدامي باخذلي دورة إنجليزي و أبدأ بتعلم القواعد (إستعداد حق الثانوية العامة )ا

الله يوفقكم كل كم و إن شاء الله ما يستويلكم مصيبة تدريس طالب كسول مثل أخوي حمود
upset1