عالم القطط

السلام عليكم شحالكم ان شالله تماااام الموووووووهيم حبيت اييبلكم اليوم شي عن عالم القطاووة Laughing

عااااالم القطط :

هو عالم خاص بالقطط ولا يدخله شيء من المعاشيق و من هذا القبيل Twisted Evil

السكان :

السكان هم قطط في قطط الناس الذين يذهبون الى هنالك يتحولون الى قطط

العلاقات بين السكان :

العلاقة علاقة محبة silent

وود و ما في ضرابة mad2

او اي شيء منه إلا نادرا

شكل العالم :

هو مثل عالم البشر لكن احلى yaaaah

يعني لا يوجد سيارات فقط مشي و لا يوجد غني او فقير ولا احد احسن عن احد kikko

....

كيف تدخل إليه :

لو سمحتم هذي طريقة سرية و لانستطيع اخباركم بها cry3

وسنقوم انا و فلافيووو بإخباركم باخبار عالم القطط kikko

و كل ما تحبون ان تعرفوه عن عالم القطااااااوة

اليوم الاول :

في البداية كنا نتمشى اناو فلافي في ساحة بيتهم حتى رأينا قطوة تتمشى وكانت شكلها يوعانة وسرنا يبنالها قطعة سمك وبدأت تااكل بشراهة وفجأة بدأت تتكلم ونحن مندهشين يعني من القطوة

وقالت انتو شكلكم طيبين و تحبون القطاوة عسب جذي بخبركم سر هو اصلا في عالم خاص للقطط وإذا تبون تسيرون بوديكم فقلنا يلا نسير ونجوف شو في فجأة ودتنا مكان غريب بلمحة بصر وكان في قطوة ماسكة قلم وورقة وتكت وسألتنا عن الاسم و احلى الالوان .... وتنقلنا لمكان ثاني في طرفة عين واستوينا قطاوة حلويييين وكان عالم حقا غريب فالبداية استغربنا لما شفنا قطاوة تتمشى على الرجل مب عالأيد والرجل يعني واقفة وتتمشى مثل الانسان وقطاوة تبيع فالمطاعم و الدكاكين وقطاوة تصرخ تووونة طازج تووونة طازج والقطاوة تشتري منها وثانية تصرخ آخر موديل عطر برائحة التونة ورحنا نتمشى والقطوة اللي ويانا عطتنا مبلغ من المال يعني مثل الدراهم بس عليها علامة رجل قطوة و قالت دبرو نفسكم و عطتنا كتاب لتعلم لغة القطط ....

البقية في الحلقة القادمة

ههههههههههههههههههه ...

مشكووووورة غلاتي ورديو ...

وبنجووووف شووو بيستوي في الحلقة القادمة ....

.. ويوم تقووليين عااالم سري وماااتخلييناا ندخل .. عيل ليش ياايبة المووضووع هااا

ههههه .. يحبكم انتووو للقطط ..

يعني الحين لو سرت فــ عالم القطط بتحول لقطة مثلا ؟؟

خخخخخ ..

اونه علاقة محبة وود .. عيل ليش القطوة الي كانت عندنا حرامية كله تدش المطبخ وتعمل بلاويهاا ..
الا كرااهية وحقد .. خخخخخ شكله عندي عقدة مع القطط ..

يلاا نترياااا الحلقة القااادمة .. ياا نهاار اسود ..

ههههههه أتذكر هـ اليوم عــدل عــدل

هيه هيه إسمحي لي بكمل عنج

خذينا الدرااهم ورحنا جي خذينا حقنا تونة

كاان طعمها غيير كاانت أحلى وكان في أنواع مختلفة من التونة

تونة بيضة سودة وردية حمرة وجي

ويام شبعنا رحنا ندور لنا جي شغل

وكنا داايما نشتغل ويا بعض

أو شي إشتغلنا نوزع حليب

وبعدها إرتقيينا وإشتغلنا في مخبز بسكوت التونة

وكنا أول ما يينا زبون نقول له إرمس شوي شوي

عسبت تنرجم من الكتاب

ومع الأياام تعودنا وأحينه نرمس لغة القطط بطلااقة

وصرنا شخصيات محبوبة في المجتمع القططي

.....

يتبع في الحلقة القادمة

وأما لسؤاال يا إييشوو مثلا صاار مرة ومعشوقو يت كيف لأننا رحنا لعاالم الأحلام

الطريقة:سريه

ونسينا أن معشوقو تلحقنا وأول ما دشت عاالم القطط تحول لرقم ثمانيه

وأول ما شفناها أطلقنا جهاز الإنذاار وطردوها لأن المعااشييق دااايما ييبون لنا المشااكل في عالم القطط

المهم يعني يا إإييشوو راحت تكون الشكل اللي إنته تحبه وما راحت تتغير من الشكل إلا لما تطلع

وبعدين بعد ما تعلمنا اللغة فتحنا مدرسة عسب نعلم الاطفال اللغة ونكسب رزقنا وبعد شهر او شهرين تطورت المدرسة وصارت معهد وبعدين جامعة واسسونا نكون حكيمات عالم القطاوة و صارت كل القطاوة اللي تواجه مشاكل تجي عندنا وفتحنا مؤسسة القطط للحياة السعيدة وصار عندنا بيزات كثيرة وكنا نتصدق على كل محتاج واصبحنا مشهورين في عالم القطط وصرنا كل ليلة نسير هنالك وفجأة في يوم من الايام لما سرنا لقينا قطاوة طايحة ومتعورة يوم شفنا الصوب الثاني شفنا معشوقة قاعدة تضربهم بحصى على شكل ارقام وركضنا انا وفلافي صوبها وطلعنا انيابنا واظافرنا وعظيناها و خرمشناها وخليناها تنظف عالم القطاوة وتعالج القطوتين اللي ضربتهم وهكذا نالت جزاءها اللي تستحقه ....... الباقي في الحلقة القادمة

بما ان الموضوع عن القطط ويومياتكم معاهم بننقله لقسم اليوميات
ما صار عالم قطط
هذا مصنع وونكا للشوكولاته اللي يروح له شارلي
وعندهم اومبا لومبا واشياء عجيبة مثل قصتكم

خخخخخخخخخخخخخخخخخ
التكملة ويا فلافي
ام خليل انا من ساعة قاعدة ادور وادور وفالآخر حاطتنه هني mad2

وبما أن معشوقو دخلت فـ المراقبة عـ داخلين والخارجين إزدادت

وقمنا نحن القطط باختراع جهاز

هل هو قط أم لا هل هو شرير أم طيب

وهكذا مرت الأيام ونمنا بكل راحة وهنناء

وفي أحد الأيام طلبتنا حكومة عالم القطط

كنا نقول شو سالفه ياربي وتخيلو

يلسنا وخذينا شويه فشار بزبده التونة

يلسنا ومرة وحدة كانو يقولوون

فـل تتفضل فلافي والقطوة الوردية

ونحن تفااجئنا وعطينا الفشار حق اللي يالس حذالنا

ورحنا وعينوننا كـ وزراء خارجية للعالم القطط

للإنجازات والأعمال الي سوينااها لهم

وعطونا مخلب قطوة وقالو لنا كلوها

تفاجئنا بس كليناها ويااربي كان طعمها حلوو

وقال هذي راح تعطييكم القدرة عـ دخول العوالم الأخرى

شكرناها كثيرا

وقالو لا عندنا لكم مهمة وهي دخول الأرض عالم الأواادم

قلنالهم حاااضر

وقالو لنا بس بحلة قطط

أووكي بس كيف ندش

قالو :.......(سرية للغااية(

رحنا للأرض وقاابلت قطوة بيتنا ميمو

يام كنا هناك كنا نرمس عادي يعني كانو يفهمون علينا طبيعي

قلت لها إنزين أبي تعرفينا عـ المكان

قالت ميمو أوكي حااضر

وعرفتنا عـالأمااكن وودتنا للبقالة الإجاازة

وهنااك شفنا ريال لابس نظاارة فااج ثمه يشوف الولد يرمس

وهوو يقول زين زين

وجي ومرة حد إتصل وسمعت صوت بيت ...داد

بس الي سمعته داد

قلنه أوكي نشوف بيت منو منو

لحقنا بعد ما طلع بعد سااعه نشووفه راايح بيت قوم

كاواي

أشوف ريااييل يشتغلون وأنا أمشي

تخيلو شو اللي شفته

وااحد عمره جي 14

طالع برع عطه

راعي الدكان الفلوس ودخل دااخل

نحن عااد قمنا بحركتنا السرية

وتحولنا للحركة بحيث محد يقدر يشوفنا

ودخلنا داخل نشوف يالس مع شلة

أغبياء أولاد لأنه كل شوي يضحكون

ويضااربون

وكاان في وااحد ضعيييف

يشبه السنجااب

إستغربنا

ويوم رحنا فوق كنا نتمشى حصلت

تخيلو وحده عمرها كنها في عشرينات

يالسة ترسم قمنا نشوف شو ترسم

ترسم أنمي دققنا جان نشوف مصاصي الدمااء

زمجرنا وصرخنا بس هي ما انتبهت

ورحنا للثاانيه وحدة جي سمرة وياها كتاب يالسة تذتكر

وتقدرينا للعمرها يمكن جي 19-18

من شكلها كان كأنها إنساانه متفهمة

جدا للسمكة اللذييذة اللي يالسة حذاالها

كانت ترسمه وكآنه يفهم

وقلت حق ورديو خلنا نرجع للبيت الثاني

وياام رجعنا شفنا وحدة خآآآلة

عافصة عمرها بدفتر

وياها قلم

يالسة تكتب معادلات

إستغربت وكتبنا في الدفتر أنها غبية لأن

يام رقدت كان لعاابها يسييل

وبعد شوي حصلنا واحد

أبياضاني كتكووت

كان مكتوب الحذر منه
الإسم خليل

قلنا لا ها شكله حبوب جدا

يام رحنا عنده زخنا من ذيولنا وطيرنا في الهوى

ونحن نصرخ وهو يضحك ونحنا نصرخ

وعقنا ورجعنا لعاالم القطط

رحنا للزعيم وقلنا له جي وجي وجي

قال لنا لأن الأطفال يقدرون يشوفون القطط

المتخفية

ونحن بعدها نقلونا للمشفى

وعالجو جراحنا ونحن المسااكيين

كاانت آآهاات تووصل للمريييخ

وبعد عده أياام وصلنا خبر من تحريه
سرية بوفاة ميمو ...!!!
.....

يتبع في الحلقة القااادمة

اهااااااااا ذكرتيني والله اياااااام بعدين بكمل الحين مب فايجة confused

معلييش بكمل عنج

اقتباس :

وبعد عده أياام وصلنا خبر من تحريه
[b]سرية بوفاة ميمو ...!!!
.....

إنصدمنا ...!!!

فلافي :مستحييل كييف ولييش لا لا ما يصير

القطوة الوردية دموعها نزلت وأنا وراها وتميينا نصييح عـ بركة الحزن

بركة الحزن: هي بركة ليست بعميقة جدا لكن شوية

هو أن كل قطوة تبي تصيح أو تذرف دموع تروح هناك

وهناك في مكاانيين

يفصلهم جداار كبير

واحد للقطييواات

ووااحد للقطيووين

المهم نكمل ...شلينا أغرااضنا ورحنا لجنازتها

شلينا ورود ملونة ورحنا

ونحن نصيح نتذكر مسااعدتها لنا طبعا معاانة كوب نصيح فيه بعدين

نجب دموع في بركة الحزن

ومشينا ورؤووسنا منزلة وعـ رااسنا كااب

طبعا ....

الشمس قوية تحرقنا

ونحن ندعي لميمو بالخير

تذكرت قلت حق وريدو

فلافي : كيف مااتت ميمو ؟؟

قطوة الوردية : والله ما أعرف أنا كنت وياج يعني كيف بعرف ؟

مييشو Sad

أظني تذكرونه لأني حطيت لكم ماضيه ) أنا بقولكم

كنت طالع حصلتها طايحة قلت لها ميمو بلاج اليوم تعبانة

ميمو:إسمعني يا مييشوو أنا وصلت حدي خلاص انا استوييت عيووز وجااء اجلي لامووت

مييشوو :لا لييش بعدج شاابة اييهيي لا تقولين جي

ميمو : يااولد انا ولدت قبل لا تولد امك كثر هالعمليات التجميلية اللي سوييتها طبعا محد بيعرف اني عيووز

مييشوو: انزين داامج بتموتين شو وصيتج ؟؟

ميمو : وصيتي ان بيتي تعطوونه حق قطوتين وحدة وردية ووحدة حمرة

يستااهلونها هماا قلبهم نظييف ابيض المااس يستاااهلون الخير

اتنمى تعطوونهم كل مييرااثي واغراضي

مييشو :وجي مااتت ميمو

فلافي : اوويييه !!!؟

قطوة الوردية :انا سمعت لما ترقد وتسوي كذا كلام ولا حركة ما اعرف بيي الشخص المتوفي اللي تفتقده

للحلم ...!!!

فلافي : صدق ؟؟!!!!

مييشوو:إي صدق أنا بقولكم كيف *******(سرية) احين عرفتو يام ترقدون جربو أوك

فلافي والقطوة الوردية : إن شااء الله

واول ما ردينا البيت جبينا الماي في البركة ورحنا نرقد

**********

ويت ميمو في حلمنا

مييمو : هلا وااالله حبااايببي إنتو (وتبوس) شحالج اخباارج إن شاء اللله تمام

اكيد ييتو تسأالون عن المييراث مالكم صح

فلافي : يعني لا يينا نشووفج

قطوزة الوردية : إي وحق الميراث بعد

ميمو : شوفو شفتوني أحينه نرمس عن المييرااث

شووفوو أنا عندي قصر كبير ضخم

هو من أحد موااريث لكم بس هو بعيد

في تلال الزرق

غيوم الحمر

عيون الصفر

شعر خضر

وتمت تكرر وتكرر

وبعدين قاالت

فلميين فلااموونا

فلافي : وينها هاي بعد ؟؟

ميمو: إسألو مييشو رااح يدلكم عـ مكان فلاميين فلااامونا

والقصر من الألماااس حاالوو تحمونه وتممروونه وتعدلونه هو حقكم وأمانه عندكم

اتمنى أشوفكم كل ليلة يالله بآآي

وقمنا النوم رحنا نسأل مييشوو

عن مكان قرية فلاميين فلامونا

يتبع .....

[/b]

مييشوو : فلامينا فلامونا بلدلة العجااائب

القطوة الوردية:بس هي وين .؟

مييشووو: ورااء الأفق

فــلافي:وراء الأفق كيف !!

مييشووو:إسمعوو إتبعو الأفق عند الغروب والغسق

ورووحووو لأبعد منطقة ولما توصلون

بتحصلون بيت ملون كل شبر بلون

دخلو البيت عند المغيب ترى ما يكون فيه أحد

وإذا غابت الشمس قبل بتروحون فيها ترى البيت

مسكون من قبل الأفاااعي سامه جدا

ولما تدخلون البيت دوروا كبت من بين الكبتات

لا هو كبير ولا صغير خشببي لونه حلو

ددخلو دااخل الكبت وراح توصلون لقرية فلامين فلامونا

وحااسبو ما يقص عليكم الثعلب

يالله بأمان الله يااقطااوة

يتبع ...

التعبير جميل جدا لكن كله خراريط في خراريط

لا حبيبتي أم خليييلوو ....لاالاااا

نحن القطط نذهب لعاالم القطط ....

عبر الأحلااام بطرييقة سرية جدا

"لكنه بالأحرى تخيلات "

خخخ اذكر هالايام عدل صح ماكنت معاكم بس كنت اجوفكم من الكرة السحرية مالة القطط وصحت وايد ع وفاة ميمو الصراحة

هي والله

أياااام

فلافي: مشكور يا مييشو والله ما قصرت يالله ورديوو ماشي وقت لازم نروح نشوف حلالنا "لوول "

وريدو : إي صدق نبدا من أحينه يكون أحسن

رااحنا أنا وهي القطوة الوردية نمشي ونمشي

ولما يستوي الغرووب نسجل منطقة غروب الشمس

ولما تشرق الشمس "الغسق" بعد نصورها

إليين ما مر شهر وإحنا نشمي وننمشي ونمشي

ونااكل من أمطاار التونة

إليين ما وصلنا للبييت

فلافي: هو أحلى من اللي وصفه مييشوو

قطوة الودرية : إي أحلى وااايد

ويلسنا يداام البييت إليين ما بقى حق الغروب خمس ثوااني

عسبت أول ما يستوي الغروب ندش بسرعه عسبت نسوي الي علينا بسررعه

واستوا الغروب

وانفتحت ابواب البييت دخلنا دااخل بسرعه وانصكت البييبان من ورانا

رحنا يداام شويه إنفتحت الييتاات

شفنا المكااان كلللله كبتاات عملاآآقة مشيناا وبااقي خمس ثواني للـ الغروب يخلص

البيييبان انفتحت والثعاابين دشت ونحن نركض نبي نلحق إندور الكبت مو نموت

ركضنا وشيه ثعباان يعض ريول فلافي

بس حصلنا الكبت دخلنا دااخله بسرعه

وهنااك حصلنا ثعلب

الثعلب : ها اشحقه ياايين ترى مب من هني القرية في الكبت الثاني

ترى هالكبت غلط مصبووغ قاصينه من ها هذا غلط

إستغربنا فقلت أنا بطلع أتأكد

بس القطوة الوردية زختني

القطوة الودرية : مو قالت مييشو أن ثعلب المكاار في قرية فلامينا فلامونا

عيل هذه مديينه فلاميينا فلامونا

وأول ما قالت هااي الكلمه

إنفتح باب الكبت من ورا

ضحك الثعلب وقال : هااي مييشو ما خلت شي خبرت كل خلق الله

وطلع وطلعنا نحن ويا وحصلنا قررية كللللها وروووود

حلللللوة جددددا حللللوة

بس الغريب أن العشب لونها أزرق ...!!

والنااس عيونهم كلهم حمر

وشعوورهم كلها خضر

والغيوم لونها أحمر " تونة بالكوتي طماطة "

بس يالله

فلااافي : آآي عييني

قطوة الودرية : شو صاار

فلافي : شوفي في شي يلمع حيييل عور لي عيوني

قطوة الوردية ها قصرنا

فلافي : إي صدق يالله نروح له ...1!!

وإنتظروه التكلمه

..يتبع

يلا كملي ايوميات فديتج بسرعة ^^

إن شااء الله

وياام جبرنا من القصر كللللللللللش ألماااس وربي كاان رهييب

فــلافي : عليها ذووق ميي مو

القطوة الوردية : إي صدق القصر غآآوي

وأول ما قربنا إلا وأبوااق[مو مو مو مياااااااووو ] والبااب ينفج وسجاادة حمرة تنفج لنا

إلا والعربة تطير في الهوى يت عندنا

ووقفت ....ونزل منها قطوة مش غرييبة عليينا أبدا

إلي هي ....القطوة الدلووعه

فــلافي : مستحييييييييييييييل إنتي هني

القطوة الودرية : دلووعوو

ورحنا حضنااهاا وبسنااها وسلمنا عليها

القطوة الدلووعه : هاذا هو القصر إلي كاان ورث لـ ميمو وأحيينه هو حق كم

فلاافي : وانتي كيف عرفتي ؟؟

القطوة الدلووعه : لييش ما درييتو ...

القطوة الوردية : عن شوو ؟

القطوة الدلوعه: أنا إنتخبوني ملكة مملكة فلامينا فلامينا مملكة العجاائب في عالم القطط

فلافي +القطوة الدلووعه : والــــــــــــله ؟!!!

القطوة الدلوعه : إي صدق

فلافي : يااي مبروك عليج

القطوة الدلوعه : الله يبارك فيكم

القطوة الوردية : خلى ندش القصر

فلافي : إ ي صدق

القطوة الوردية: ما يصيير نركب وااحد مثل هاايل العرباانااات

القطوة الدلووعه : لا ترى أنا عندي قدرة خاارقة

بس أقدر أركبكم معاايا وقالت الكلماات السحرية السرية

وبووف حصلنه عمرنا يااسين حذاالها

ودخلنا دااخل القصر ....الأثااث فخم جدا

وفي كل منطقة لون حمريشو " هو مثل الأحمر بس مو أحمر

خضرانيو

ورديمو

زقرقوقو " إلي هو الأزرق مه الأصفر

والبسااط المفروش تحت من أنوااع مختلفة من خيووط الذهب

القطوة الدلووعه : هااذي غرفتكم

الغرفه كاانت عبارة عن حجرة كبييييييييييييرة فيها كبتيين واحد بالأأحمر مكتوب علي فلافي وثاني وردي مكتوب عليه القطةو الوردية

ونفس الشي بلون الغرفة والبسااط والسرااير

ونمنا الييلة

لأن بااجر عندنا نستكشف القلعه

يتبع ...

احم احم خخ يامرحبااابكم في القصر حبايبي

ههههه صج قطاوة

ههههه

إي طبعا بنكون قطااوة

" السموحة في هذي الظرووف لدرااسة والمذااكرة ما أقدر أدش المنتدى إلا مرة في الأسبووع "

هههههههههههههه والله اياااااام

خلي دلوعو تكمل الحكاية bounce

هيه بقول لها يام تلص الأمتحاناات
أحيينه أنا هالله هالله أدش عالم القطط نفسه ماشي وقت كله مذااركة

انا بعد ما اقدر ادش عندي مذاكرة Sad

» طهارة القطط
» تربية القطط حرام أم حلال ؟
» هذي سوالف القطط ، تعالوا شوفو
» عالم سني يهزم علماء الشيعة بسؤال واحد فقط
» خشبو و عصعوص صيحة عظمى في عالم الأنيمي