يوميات ام كتكوتو في صيف 2009

السللام عليكم ورحمة الله وبركاته

اشلونكم شخباركم حبايبي

عسى كلكم ابخير ومرتاحين

يا حبي لكتابة اليوميات

احب اطلع كل الحماس اللي فيني في هالقسم

عاد انتوا اتعرفون الوحده اذا كبرت اتخرف ،،،، وانا اكبر وحدة فيكم ،،، استحملوا الخرف عاد

انزين سمعوا عاد ،،، توني يااية من ماليزيا ،،، ومتأثرة من هالسفرة وايد وايد

لدرجة انني من ييت وانا كل يوم اذا نمت احلم اني بعدني مناك ، في غاباتها وملاهيها

ومرتفعاتها اللي اتينن ،،،، كانني كنت في بلاد العجايب،،،

والمطر اللي كل يوم يسقي الغابات ،،،

لا ومناخها استوائي لانها تقع على خط الاستواء ،،، يعني الشمس عمودية عليها

لكن ما تشوفون حر نفس الصحراوي الجاف ،،، مناخهم لطيف جدا جدا

اتصدقون ولا يوم حطيت مرطب على ايديني وويهي

لانه الماي ما تبخر من جلدي

بس يوم رجعت البحرين ،، احط مرطب 3 او اربع مرات في اليوم

اه ه ه ه على ماليزيا ،،، صج بلاد ساحرة وجميلة

انصحكم كلكم تروحون لها للراحة والاستجمام

اذا حد من الاعضاء ساعدني بحط تقرير كامل عن الرحلة في قسم السفر والسياحة

لانني تعبانة في تنزيل الصور ،،،، لا يفوتكم عندي فوق الالف صورة .

انيي حق اليوميات الحين ،،،

صار لي ثلاثة ايام ياية من السفر وشغالة اغسل ثياب وانظف البيت ، ، علشان بعد يومين جدامي سفرة ثانية الى الامارات (منو قدي هالمرة )

ادعولي اوصل بالسلامة

نلتقي عيل في الامارات واخبركم بالتفصيل عن كل شي .

صج والله من أدك يا أم الكتاكيت مستويه رحاااالة فنتكة
السفر إلى ماليزيا كسياحة رووووووووووووعة أنا جربتها وأحن لها دوما ، أحن للخضرة والجمال
أحيانا كنت أحس نفسي وسط أستوديو وكل هذي الطبيعة عبارة عن صور ورسم فنان
سبجان الله العظيم
وكنت أتأمل كيف تكون الجنة ... يا سبحان الله

يااربي ييتي الإمارات ومانطرتني بعدها شليتي قشتج ورحتي العمرة

يااخي لييش ما نطرتيييني كاان ودي أشووفج من زماان ما شفتج ولا دقيت معااج سواالف

يالله خيررها في غيرها لا تنسيين تدعيين لي في كل صلااااه

وفي كل لفه حوليين الكعبه

تحيااتي :فلافي

يسلموا أم كتاكيتو ع يومياتج الحلوة ...

وسفراتج الرائعة ...

و الله يحفظج...

» ام كتكوتو شرفت متأخرة حبتين
» @@يوميات إيششووو @@
» يوميات فــلااافي
» يوميات ام خليل مع المراجعة
» يوميات الجد المحترم