إقتراح خاص لقسم المسابقات

السلام عليكم ورحمة الله وبركاته

شو رأيج يالمديرة الحلوة بهالإقتراح :

أقترح في المرة القادمة إذا عملتوا مسابقة: أي عضو يجاوب على الأسئلة يرسل الإجابات على الخاص

بمعنى المسؤول هو الجد السعيد، فترسل الإجابات على الخاص عنده

تكون العملية مرتبة ، ويتفاعلوا الأعضاء أكثر بهذه الطريقة، أما إذا عضو واحد جاوب وكانت إجاباته صحيحة ، البقية يتراجعوا ولايكون هناك تفاعل
أما على الخاص تكون القضية سرية ، ومرتبة أكثر ,,,,,,, Laughing

شو رأيكم ؟

واللهي .. رااي من رااايج .. يفضل ..

اذا عرف الواحد الاجابة .. خلاص بيكتفى البقية .. وما يشاركو البقية
فالافضل طرح الاجوبة عــ الرسائل الخاصة عشان محد يوقف فــ طريج حد ..

وهاا الشي لازم يحدد من قبل صاااحب المسااابقة ..
بما ان الجد السعيد حطاها فلازم كان يحطي ملاحظة قبل ليطرحها ..
بس الحين خير خلاص طرحت المسابقة وشارفت على الانتهاء .. بس بنبدا غيرها
وراح نمشي عــ راايج ياا بيااض ..

.. وانا بعد كنت ابي اشارك في مسابقة جدو الا ان الاعضاء سبقوني .. فما قدرت اجاوب الا عــ سؤال
وجي بكون ضيعت علي الجائزة وضاع على غيري ..

^_^ .. يسلمووو عــ الاقتراااح ..

الله يسلمك يادكتور ، تسلم على التأييد ،
ونشوف رأي بقية الأعضاء أيضا

هي نفس الشي كنت مفكرة

و بعدين الإدارة تقوم بفرز الإجابات الصحيحة و عمل قرعة بين أصحابهم

و طبعا كل شي بحيادية و نحنا نثق بالإدارة

و الله الصراحة قبل كنت متحسبة السالفة نفس ما قلتي يا بياض Shocked

إني أرسل الإجابة علـ شكل رسالة خاصة
بس يدو حذرني و قال لي لازم
ما ترسلونها على شكل رسائل خاصة
بس ما عليه هذي كانت تجربة
و مرت
أما أحين إن شاء الله
المسابقة الياية بتكون أحسن
و الصراحة يدو وااايد تعب في المسابقة بس محد
شارك وياه في البداية و أنا بسرعة بديت أشارك
و أحطي الأجوبة عسبت خاطر يدو
فلا تقولو يدو ما سوا شيء ترا هو وااايد تعب
عسبت يفعل لأعضاء upset1

والله فكرة حلوة

لأن المرة الي طافت معشويقه

ماخلت حد هالله هالله رحت أجاوب

أجوفها مجاوبها موخلصه ومخربه عـ الكل

المهم حصل الخير وشوكرا

بياض عـ الفكرة

فلافي

dancce

فكرة حلووووة ما طرت ف بالي .. يلا عاد .. ان شاء الله نطبقها في المسابقة الثانية ..

ان شاء الله بيكون هناك مسابقتين في آآآآن واحد .. انا بسوي واحد او اينشتاااينو بسوي الثاني ..

عشان يكون هناك تفاعل اكثر ... و الي ما يعرف سؤال مسابقة او سؤال معين .. يلجأ الى المسابقة الاخرى .. و تمنى ان الفكرة عيبتكم ..
Razz

حلوه الفكره ..

خلاص ان شاء الله تتطبق بالمسابقات اليايه ..

جيلبا يدوو .. نبي هالمره مسابقتين بنفس الوقت .. و لكم كامل الصلاحيه في وضع القوانين و التحكم

أي عضو عنده فكره لمسابقه و لا شي .. يرسل لي

أبي أفكاار يا ناااس

دمتم بود

ما شاء الله على عيالنا ، أشكركم على التفاعل والتجاوب الإيجابي ، والتقدير للفكرة
بارك الله فيكم جميعا ربي يزيدكم حكمة وذكاء

- آمين -

» ..×.. قوانين قسم المسابقات ..×..
» بدأت أولى فعاليات قسم المسابقات...