..×.. البيت السعيد ..×..

..×.. بيتنا مليء بالسعاده ..×..
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 ..×.. تقرير عن الأنيمي المجنون ynsh ..×..

اذهب الى الأسفل 
كاتب الموضوعرسالة
Kawaii
إدارة البيت السعيد
إدارة البيت السعيد
avatar

عدد المساهمات : 154
النقاط : 226
التقييم : 10
تاريخ التسجيل : 11/06/2009
العمر : 31
الموقع : fullhouse.ahlamontada.com

مُساهمةموضوع: ..×.. تقرير عن الأنيمي المجنون ynsh ..×..   السبت 23 يناير 2010 - 18:51


كونيشي وااا ميناااا ( مرحباا ) ..

اشحالكم علومكم ؟؟

صار لي زماااان ما نزلت موضوع .. و بما أني من يومين شايفه أنيمي غبي .. قلت أنزل تقرير عنه هههههه .. طبعا بالعنوان اختصرت الاسم لأني مو قادره أحفظه من طوله .. و كتبت الأنيمي المجنون لأنه صدق مخابيل اللي في الأنيمي خخخخ .

المهم .. بسم الله بدينا ..

اسم الأنيمي : Yamato Nadeshiko Shichi Henge
تاريخ الاصدار : October 3, 2006 – March 27, 2007
جهة الاصدار : Nippon Animation
عدد الحلقات : 25 حلقة
النوع : رعب 100% - كوميدي 90% - رومانسي 10%




اسم المانجا : The Wallflower
سنة اصدار المانجا : 2000 .. و مازال مستمرا
الفوليومات : 24 فوليوم


قصة الأنيمي :

القصه عباره عن أربعة شباب وسيمين و ذو شعبية عاليه جدا .. جمعتهم الظروف لكي يعيشوا في قصر واحد ..مالكة القصر تطلب منهم أن يحولوا ابنة أخيها من فتاة معقده إلى آنسة مجتمع راقية .. و اذا نجحوا في هذا الأمر .. تعفيهم عن دفع الايجار ..



سوناكو ناكاهارا

بطلة الأنيمي الرئيسيه ..
فتاة معقده جدا تحب الظلام و تكره النور .. السبب في تعقيدها أنها كانت تحب أحد الشباب لكنه ( العبيط ) قال لها يوم اعترفت بحبه : أنا أكره الفتيات القبيحات .. لذا ابتعدت الفتاة عن كل ما هو انثوي في هذا العالم .. و لم تعد تهتم بنفسها أبدا .. و تقضي الساعات الطويله أمام التلفاز في حجرتها المظلمه تتابع أفلاام رعب ممنوعة من العرض خخخخ

رأي شخصي : و الله عيبتني هالبنت وايد .. بس مرات كان خاطري أصفعها .. ما يسوى عليها قال لها قبيحه راحت اعتزلت العنصر البشري .. و الله غيره مليون .. و بعدين يا ريت لو حلو كنت بقول يسوى ..
اللي ما عيبني فيها تشاؤمها .. وايد متشائمه .. مع أنها حلللوه بس دايما تعتبر نفسها قبيحه ...
اللي عيبني فيها حبها للرعب خخخخخ .. و شجارها المستمر مع المخلوق المبهر ( كيوهي ) ع قولتها خخخ




كيوهي تاكانو

فتى يمتلك قوة بدنيه عاليه .. و غير قوته يمتلك وجها جميلا كان السبب في طرده من المنزل .. يكره الفتيات اللاتي يلحقنه و يتمنى دائما ضربهن .. و يحب الأكل بشكل غير طبيعي .. ( عادي يقعد اليوم كله ياكل ولا يحس ) .. عصبي لا يحب ان يرى سوناكو قابعة في غرفتها مع أشباحها .. لذا دائما يذهب لها و يبدأ معها الشجار .. لكنه أكثر من يتفهمها و ينقذها من الكثير من المواقف ..
أكثر شخص تلحقه الفتيات .. و هذا الشيء يثيره كثيرا .. دائما ( يفشلهم ) ولا يلقى لهم بالا .. لكن ( شو يفهم البنات ) ..
سبب وجوده بالقصر : وجدته مالكة القصر في الشارع في حالة يرثى لها .. ( كان الوقت اللي طردته امه من البيت ) .. و عرضت عليه فكرة أن يعيش معها .. و لأنه لا يملك مكانا يذهب إليه وافق .. و هنا تعرف على الثلاثة الآخرين ..

رأي شخصي : أحلى شخصية بالأنيمي هو كيوهي بصراحه .. حبيت ضراباته اللانهائية مع البنت .. و لا يوم تصرخ عليه تقول له لا تطلع جدامي ( تناديه المخلوق المبهر ) .. و هو يتعمد كل ما يسبح يروح غرفتها ( اونه يكون مشع خخخ ) ..
دايما يفهم البنت و ان كان ما يبين هالشي .. و دايما يساعدها بطرقه الخاصه مع انه دفش بشكل غير طبيعي ..
و عاد أحلى شي يوم يمرض و يطلبون من البنت تعتني فيه .. يتطلب ع كيف كيفه .. يبي فراوله – روب بالفراوله – عصير بالفراوله – كيك بالفراوله .. و ما ادري خمي و نظفي و شلي و سوي << تراه يعتبر البنت خدامه >> يا ويله من عمة البنت خخخخ



تاكاناجا أودا

شخص هادئ و بارد لا يهتم كثيرا لما يجري من حوله .. من اسرة يابانية عريقة .. ارسلته العائلة إلى مالكة القصر لأنه اصبح انطوائيا بشكل كبير ولا يتحدث مع احد ابدا ..
يحب فتاة معه في المدرسة تدعى نوي تشان ( يناديها نوي تشي ) .. و يفعل المستحيل من أجلها ..
له شعبية كبيره بين البنات لكنه لا يلتفت إلى أحد لكونه يحب نوي ..
يتميز بالحكمة نوعا ما .. و نظرته دائما واقعية للأمور ..

رأي شخصي : بصراحه يعجبني هدوءه و رزانته .. أحسه واحد زقرت الصراحه .. و أحبه يوم يدافع عن نوي .. وبعدين يحمر ويهه و يبي يتعلث ما يعرف شو يسوي بروحه ..



رانمارو موري

هذا عاد مغازلجي نمبر ون .. سبب وجوده بالقصر أن والديه سئما من تدليله و ضياعه .. لذا أخذته مالكة القصر لتدربه على تحمل المسؤولية ..
حبه للبنات شي مو طبيعي .. يمووت إذا ما حصل له بنت بيومه .. شعبيته واسعه بين البنات .. و هو اللي عادة متكفل بسالفة البرستيج و المكياج << يا عيني عيني ..
دائما يعتمدون عليه اذا السالفه تخص بنت لأنه الأدرى فيهم بحل مثل هذه المشاكل ..

رأي شخصي :
يعيبني يوم يتخبل .. دائما يمدح روحه و ما أدري شو .. مرات أحس ابي اصفعه .. بس بصراحه احبه مع انه مغازجي .. أحلى شي يوم يحس روحه يحب وحده .. و يحصلها ويا تاكاناجا .. ( و هو نوي تشي تكون قاعده عنده ) .. عاد هاليوم يسوون اللي ما يسوى و يتضاربون الاثنين .. و كل ما راح يوكي ( الولد الرابع ) .. عن كيوهي يقول بطل من بينهم يقول مالت عليهم سخيفين ما عندهم سالفة يتضاربون على بنات << هههههههه و الله انه فن ..



يوكينوجو توكوياما

والده ذهب إلى رحلة عمل .. و تركه بمفرده لذا ذهب يعيش بالقصر .. لدى وصوله بالقصر حصل امامه تاكيناجا و رانمارو..
هو ارق واحد فيهم .. الاثنين هاذيلاك كانو يتشاجرون على أتفه الأسباب .. او لا يجتمعون ابدا .. ( تاكيناجا بغرفته يقرأ ) .. و بو رانمارو بغرفته و معاه درزن بنات ..
و اذا يا وقت الشغل ما يبون يشتغلون .. و هذا كان يقهره ..
بالعاده هو أكثر واحد يصيح فيهم .. و اذا عندهم مسرحيه ولا شي تمثيلي بالعاده يلبسونه ملابس البنات و هو يكره هالشي .. يبي يستوي نفس كيوهي شخصيه و ما أدري شو ..

رأي شخصي : أحسه كيووووت .. خاصه يوم يحاتيهم و يبي يتعلم منهم .. ولا يوم يصيح ( ترا البنت جنييه تخووف خخخ ) .. بس مرات احس لو مخلين ملامحه شبابية كان أحلى .. بس بعد حلو هو ..



أحلى شي في الأربعه أنه كل واحد يحاتي الثاني و يعتبره من العائله .. و يوم اتيي البنت .. تستوي وحده من العائله .. و ان كانو يخلونها تسوي كل الأشغال بالبيت
( مره تمرض البنت و يضطرون هم يسووون الأشغال .. و لا إله إلا الله .. ما يقدروون يسوون شي موول .. و الثياب المو مغسوله تتكوم .. الصحون تنكسر .. الغبار يلتصق بالجدار .. شي مو طبيعي يستوي بالقصر .. حتى انهم يلبسون ثيابهم مالت المدرسه و هي مو مغسوله و ما ادري شو .. ويروحون المدرسه و هم جبدوهم لايعه من اعمارهم خخخخ .. بس بعدين ما ادري شو ينزل عليهم و يسوون الشغل كله << يوم يحسون بالبنت و معاناتها ) ..




________ آَلْتَوْقِيِــــــعْ~ _________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fullhouse.ahlamontada.com
فلافي
ابنة عبقرية
ابنة عبقرية
avatar

عدد المساهمات : 501
النقاط : 626
التقييم : 16
تاريخ التسجيل : 22/06/2009
العمر : 22
الموقع : عالم القطط

مُساهمةموضوع: رد: ..×.. تقرير عن الأنيمي المجنون ynsh ..×..   الثلاثاء 26 يناير 2010 - 21:47

ههههههه


كششخة يباالي أشوووفه


أحيينه أنا بيلس بنزل لي فيكي بتابعه عليه

وأحلى يوكينجو كأنه بنووته بشفايفه الي جنه حاط عليها روج ..هع

يسلمو عـ التقرير

تقبلي مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.senuorah.spaces.live.com
 
..×.. تقرير عن الأنيمي المجنون ynsh ..×..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
..×.. البيت السعيد ..×.. :: ..×.. سينما بيتنا السعيد ..×.. :: ** صور و تقارير الأنيمي **-
انتقل الى: