..×.. البيت السعيد ..×..
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

..×.. البيت السعيد ..×..

..×.. بيتنا مليء بالسعاده ..×..
 
الرئيسيةالبوابةأحدث الصورالتسجيلدخول

 

 ..×.. رحلتنا الجميلة لدبي ..×..

اذهب الى الأسفل 
4 مشترك
كاتب الموضوعرسالة
Kawaii
إدارة البيت السعيد
إدارة البيت السعيد
Kawaii


عدد المساهمات : 154
النقاط : 226
التقييم : 10
تاريخ التسجيل : 11/06/2009
العمر : 36
الموقع : fullhouse.ahlamontada.com

..×.. رحلتنا الجميلة لدبي ..×.. Empty
مُساهمةموضوع: ..×.. رحلتنا الجميلة لدبي ..×..   ..×.. رحلتنا الجميلة لدبي ..×.. Emptyالأربعاء 23 سبتمبر 2009 - 5:31

السلاااام عليكم يا أعضاء المنتدى الحلوييين ..
صار لي فتره طويله ما حطيت موضوع مثل الناس .. و لا كتبت من زمان بالمنتدى .. قلت اليوم أكتب عن الرحله الحلوه اللي سرتها اليوم .. مع أني مدلله مؤخرا و صرت وايد أطلع رحلات .. بس هاي كانت من أروعها الصراحه و الحمد لله ..

صورت صور و اشيا .. بس بحطها عقب يوم اتفيج Neutral

المهم .. الله يسلمكم .. اتفقنا أنا و كاليا أنه نروح دبي نتمشى .. و طبعا الموضوع مو على كيفنا .. لازم حد يودينا .. و طلع فاصاييلو ( على وزن دوناتيلو من سلاحف النينجا .. بما أنه قررنا أنه الأخ الخامس لهم و لون عصابته شماغيه affraid ) الضحيه .. اتصالنا فيه قال أنا حاضر بأي وقت تبون بوديكم .. بس شو يقنع أمي ؟ سرنا كلمناها .. قالت ما عندي مانع bounce .... بس .... study .. ابوكم صايم اليوم و بسوي له فطور .. و بيسير باجر و ابي اقعد وياه .. و اذا سرتوا لازم اقعد عند أماجي اباجي ما اقدر اهدهم .. فـ شو الحل ؟
قلنا خلاص روح باجر .. و صار باجر اللي كان اليوم <<<< قصه طويله Sleep

المهم .. سرنا لبيت معشوقة الرياضيات و سوينا لها واسطه و الحمد لله وافقت أمها .. و عاد يا فصاييلو مع أمه و اخته العوده .. و خذينا ويانا شماني و الفتاة السعيده و توكلنا على الله ..

سرنا أول شي فيستيفال ستي .. كلمة روعه شويه الصراحه .. ما اقصد المكان .. اقصد اللمه اللي جمعتنا .. كان روووعه .. سرنا محلات الملابس .. و عاد كاليا و ام فصاييلو و معشوقوه يخططون لأشيا من وراء ظهري .. قاعدين يدورون فستاين و اكسسوارات حق ما ادري شو ... << قالت ما أدري happpy

المهم قعدنا نضحك على ام فصاييلو اونه نييب لها فساتين و نقول لها هذا حلو عليج ولا هذا .. و هي تسايرنا يابت بدله حريميه تنورتها قصيره .. تقول لي هذا حلو What a Face يا خراااااشي ... ضحكنا و عاد بدينا نألف قصص

عقب رحنا لمحلات الجواتي أكرمكم الله .. و عيبني شي منهم .. بس قلت ما اتهور و أشتريه الحين .. بشتريه عقب ان شاء الله .. ما اظنه بيطير .. و اذا طار بيي غيره الله لا يحرمنا.. سعره كان حلو .. و كان روووعه الصراحه crry بس ما عرفت وين ألبسه .. ما ينفع للجامعه و طبعا ما ينفع للسوق .. كان كعب عاالي .. بس شكله عجييييب ...

المهم .. عقب سرنا لمحلات الاكسسوارات .. و اشتريت خاتم عيبني .. حليلها اخت فصاييلو بغت تشتري خاتم بس ما شي يا ع قياسها .. فاستسلمت ..
قعدت أدور طقم ثياب حلو للفتاة السعيده بس ما حصلت شي حلو .. حصلت بس ما كان يناسبها .. mad5

عقب ودينا شماني لتويز آر أص تلعب .. و خلينا فصاييلو الضحيه و شردنا احن طبعا ..
عاد ما كنا ماكلين شي .. حصلنا كشك يبيع حلويات خطميه و هلاميه و مزبلطه و هالسوالف << هالمزبلطه تعلمتها من عيال ام كتكوتوو الله يحفظهم bounce

شرينا كميه عاد و قعدنا مثل الهنود ناكل .. لين قررنا فجأه نروح مطعم محترم و ناكل شي .. عاد كل وحده شرت اللي يعيبها .. انا و أم فصاييلو و فصاييلو شرينا بيتزا .. معشوقوه شرت شعيريه بالخضره .. بس شوو لذيييذه << ترا تذوقته Neutral .. اخت فصاييلو و كاليا شرو من كنتاكي .. و الفتاة السعيده و شماني شروا من ماكدونالد .. و ترسنا بطونا .. و طبعا ريولنا عورتنا و ملينا من الهياته هنيه .. فقررنا نروح جزيرة النخله نشوفها ..
بالدرب عاد كنا اكثر من عبط .. ضحكنا لين تعبنا .. يوم وصلنا النخله حسيتها حلوه .. مبانيها جذبتني .. بصراحه كانت حلوه بس ما لعبنا ولا سرنا مكان لأنه الساعه كانت 9 و احن المفروض نروح البيت .. عاد هنيه اتصلت امي تقول يلا تعالو البيت .. قلنا اوكيه ... بس شو بيوقفنا الحين .. قلنا لفصاييلو يلا نروح الميترو .. دام يمدحونه هالكثر ابي اشوفه .. مع انه هالميترو مب داش مزاجي .. بس قلنا يلا نجرب .. قال اوكيه .. سرنا له .. و ما عيبني الصراحه .. حسيت هيلتهم عالفاضي .. bom

عقب قلنا نروح اللولو نشتري شي حق اللي بالبيت .. بس حصلنا الجمعيه جدامنا قلنا نروحها .. شرينا كم من غرض هناك .. هنيه عاد اتصلت اماجي تقول انتو وين .. قلنا لها عند البيت affraid .. ردت امي اتصلت قال لها فصاييلو احن بالشارجه .. و احن بعدنا بدبي توه ظاهرين من الجمعيه .. قام شخطها لين 190 و وصلنا البيت بوقت قياسي .. Neutral

و هاذي كانت سالفتنا .. كانت الرحله حلوه .. الأجواء كانت حلوه و الطلعه مع بعض كانت حلوه .. عبطنا و استهبالنا كان حلوو ..

ضحكنا من قلب على اخت فصاييلو بالميترو يوم كنا ظاهرين لازم نحط البطاقه عشان نقدر انمر .. هي من الارتباك شافت امها مرت قامت ركضت وراها و تسكر الباب عليها و تعورت و لا الانذار نبه الكل عليها affraid .. ضحكنا عليها ضحك و الله .. حليلها بس تعورت ..

و جيه سالفتي .. يوم 23 - 9 -2009 كان حلوو .. عرفت اسرار بهاليوم .. طبعا ما بقولها Twisted Evil ..
و بانتظار أيام أحلى و أحلى ..


يوم بجهز الصور بحطيها على طووول

ربي يديم عليكم السعاده I love you
الرجوع الى أعلى الصفحة اذهب الى الأسفل
https://fullhouse.ahlamontada.com
الفتاة السعيدة
ابنة مبدعة
الفتاة السعيدة


عدد المساهمات : 189
النقاط : 155
التقييم : 2
تاريخ التسجيل : 25/06/2009
الموقع : اللعب في بيتنا السعيد

..×.. رحلتنا الجميلة لدبي ..×.. Empty
مُساهمةموضوع: رد: ..×.. رحلتنا الجميلة لدبي ..×..   ..×.. رحلتنا الجميلة لدبي ..×.. Emptyالأربعاء 23 سبتمبر 2009 - 17:11

هههههههههههههههههههه...




هي و الله ها اليوم كااان أحلى يوم عندي ...




و أحلى موقف مرينا فيه كان موقف أخت فصااايلوو ...


و المتروووو بعد كااان حلوو بس مب واااايد ...





ها الرحلة كانت :


أخر يوووم العيد




مشكوووووووووووووووووووورة حبيبتي كاواي ع الموضووع ...




..×.. رحلتنا الجميلة لدبي ..×.. 330875
الرجوع الى أعلى الصفحة اذهب الى الأسفل
فلافي
ابنة عبقرية
ابنة عبقرية
فلافي


عدد المساهمات : 501
النقاط : 626
التقييم : 16
تاريخ التسجيل : 22/06/2009
العمر : 28
الموقع : عالم القطط

..×.. رحلتنا الجميلة لدبي ..×.. Empty
مُساهمةموضوع: رد: ..×.. رحلتنا الجميلة لدبي ..×..   ..×.. رحلتنا الجميلة لدبي ..×.. Emptyالأربعاء 23 سبتمبر 2009 - 21:19

ههههههه

إن شاء الله كل ايامكم فرحه


إي والله خاطري اشوف الصوور


...190 شو ما صاادكم رادااار ؟؟


تقبلي مروري فـلافي
الرجوع الى أعلى الصفحة اذهب الى الأسفل
http://www.senuorah.spaces.live.com
ام خليل
منسقة العام و التجويد
منسقة العام و التجويد
ام خليل


عدد المساهمات : 206
النقاط : 241
التقييم : 6
تاريخ التسجيل : 21/06/2009
الموقع : بستان الازهار والورود

..×.. رحلتنا الجميلة لدبي ..×.. Empty
مُساهمةموضوع: رد: ..×.. رحلتنا الجميلة لدبي ..×..   ..×.. رحلتنا الجميلة لدبي ..×.. Emptyالأربعاء 21 أكتوبر 2009 - 20:13

سيارة منو هاي اللي مشيتوها 190 لو صار حادث لا سمح الله خل عنكم الرادار يحليله يدي من جيبه بعد شو
كاوايي قربنا نهاية اكتوبر والموضوع من سبتمبر وما شي صور ...يلا جلدي
حلوة الرحلة وان شاء الله اليايات اكثر عن الرايحات
وعقبال ما نحصل التقرير العووووووووود
رحلة كااواايي الى اليابان لشهر العسل ان شاء الله يكون احلى من العسل
الرجوع الى أعلى الصفحة اذهب الى الأسفل
Kawaii
إدارة البيت السعيد
إدارة البيت السعيد
Kawaii


عدد المساهمات : 154
النقاط : 226
التقييم : 10
تاريخ التسجيل : 11/06/2009
العمر : 36
الموقع : fullhouse.ahlamontada.com

..×.. رحلتنا الجميلة لدبي ..×.. Empty
مُساهمةموضوع: رد: ..×.. رحلتنا الجميلة لدبي ..×..   ..×.. رحلتنا الجميلة لدبي ..×.. Emptyالأربعاء 28 أكتوبر 2009 - 15:37

هههههههه كانت سيارة فيصل .. لا ما صادنا رادار .. الحمد لله كان ويانا خبير ..

الصور ان شاء الله بحملها نسيت سالفتها و الله .. عاد ادعوو ما امتسحت ..

ام خلييييل شو هالفاضايح عيانا بيانا ؟ هههههه
ان شاء الله اشوفها اليابان في يوم من الايام
الرجوع الى أعلى الصفحة اذهب الى الأسفل
https://fullhouse.ahlamontada.com
 
..×.. رحلتنا الجميلة لدبي ..×..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
..×.. البيت السعيد ..×.. :: ..×.. استراحات بيتنا السعيد ..×.. :: **استراح ـة .. ذكرى و خربـ ش ـه**-
انتقل الى: