في البدايه احب ارحب بكم عيال عايلتنا السعيده عسى كوول ايامكم سعد فـ سعد
اليوم محاضرتنا عن الحساسيه
مب عن حساسية الجلد
بل عن الحساسيه عند التعامل مع مختلف الفئات في المجتمع
الاهل.. الاقارب.. الاصدقاء ..الزملاء وما إلى ذلك
.....
مثلا واحد عنده حساسيه من زميله في المدرسه ..يعني يوم يتكلم معاهم دائما يتحسس من كلمات معينه من شغله معينه .. من حركه معينه..وعقب يتضايج ويتم يفكر وهالحركه تأثر على علاقته مع الناس
...
والحل لهالسالفه له علاقه بتقدير الذات عادة الشخص اللي يتحسس من اللي حوالينه بسرعه..عنده مشكله في تقدير ذاته.. ولو كان انسان ناجح في حياته او عادي ..ولكن عنده اكسبكتيشن وتصور للشخصيه اللي يكون عليها وكون الاشخاص اللي حوالينه تبدأ تقلل من هالمعيار البسيط..هالشي يسبب له حساسيه وضيجه يوم يتعامل مع هالصنف
....
وطبعا نقدر نتغلب على هذا الموضوع
نحتاج لثلاث اشياء اساسيه
اولا: لازم تكون عندنا اهداف كبيره في الحياه
لو كانت عندك أفكار مثلا انك تخترع اخترااع
او تسوي انجاز كبير فـ حياتك..أو تألف كتاب ..أو اي شي تحسه كبير
..شي غير مسار حياتك
فهالإنجاز يوم تقارنه بحساسيتك تجاه الناس يخليك ما تعطي اهتمام لسالفة الحساسيه .. لأنك تفكر فـ شي اساسي اهم من بقية الشغلات لوووول
ثانيا: إياك انك تبين للطرف الآخر انك تضايجت او تحسست
لأن ساعات الناس تحب تقلل من شأن ناس معينين فيحبون يقولون كلام يضايجهم
ويستهبلون عليهم
فلا تاخذ الموضوع بحساسيه يدامهم ..
صح انكم بتضايجون ويوم تيلسوون روحكم اتمون تفكرون فـ هالكلمه عشر طعشر ألف مره
لكن جاهدوو .. ولا تبينون حساسيتكم
ثالثا: شي موجود فيك ..ما جربت تجارب قاسيه فـ حياتك فتتحسس من هالمواقف بسرعه
إذا كنت من النوع اللي دووم عنده مشاكل ومصايب ..فبتهون عليه مواقف الحساسيه
لأنهم بيحطون فـ بالهم انهم طاحوا فـ مواقف اصعب من هالمواقف "مواقف التحسس من الناس" فخلاص ما يعطون
اي اهتمام
مثلا مثال: عندج صديقه طرشتي لها رساله بكل حب تسألينها عن أخبارها وهي طنشت وما ردت عليج وجنه شي ما صار .. فبديتي تتحسسين من هالموقف الصغير.. قارني هالموقف بمصيبه مريتي بها
الحساسيه .. و الله أنه شي عانيت منه وايد .. بس الحمد لله .. خف فيني لدرجه كبيره ..
صرت الحمد لله ما أهتم وايد للي يقولونه لي دام أني راضيه و أعرف أنه ربي راضي باللي أسويه ..
لأنه رضا الناس غايه لا تدرك .. اذا أرضيتي طرف لازم طرف آخر يزعل .. و هالشي صار لي وايد .. فقررت أني أرضي الطرف اللي أرتاح له أكثر .. و ما أظلم الطرف الثاني .. و أوله أرضي ربي .. عقبها نفسي ..
بارك الله فيج حبيبتي مس فكره ..
ربي يحفظج و يبقيج ..
تم التقييم دمتي بود
NOOR ابنة فيلسوفة
عدد المساهمات : 211 النقاط : 242 التقييم : 14 تاريخ التسجيل : 20/06/2009 الموقع : OMAN
احسنت الفكرة يا مس فكرة وابدعتي ...ما شاء الله اللهم زد وبارك من ها المحاضرات الحلوة ثنكس دقطورة بالنسبة للحساسية دائما كا بيني وبين الحساسين تنافر ...انا اقصد الدلوعات منهم اللي ما يتحملون ادنى تعب وازعاج والحمدلله زميلاتي مانوا من نوعيتي ...اللواتي لا زلت معهم على اتصال الى الان اما الحساسات فاقول لهن وداعا بعد الاسبوع الاول من اللقاء
بياض الثلج منسقة الإسلامي و التجويد
عدد المساهمات : 303 النقاط : 415 التقييم : 7 تاريخ التسجيل : 19/06/2009 الموقع : البيت السعيد
بارك الله فيك يادكتورة ومفكرة فكرة ،،، موضوعك وطرحك رااااائع
فعلا الحساسية موجودة في كل إنسان ولكن درجته تتفاوت وتختلف من شخص لآخر ، يعتمد على النشأة والثقة والتربية وطريقة التفكير وأظن أن الجينات بعد لها دور ، - ما متأكدة -
نحن بشكل عام عائلتنا الكل فيهم طبع الحساسية والتحسس السريع من الآخرين
ولكن الحمدلله رب العالمين على نعمة العلم ، وأيضا ما يخفف من وطأة الحساسية : قوة الإيمان بالله ، وأن نحسن الظن بالآخرين نسأل الله العلي القدير أن يرشدنا إلى الصواب دوما ويرنا الحق حقا ويرزقنا اتباعه، ويرنا الباطل باطلا ويرزقنا اجتنابه - آمين - قسم
بما أن طرح الموضوع في قسم ابداع الأعضاء ، إذن نقول المبدع هو من يستفيد من الحياة ، ويفكر بعقله ويتغير للأفضل\
الحساس المبالغ في حساسيته، يبقى أسير نفسه وأوهامه ، فلا يثق بنفسه ولا الآخرين ، ويزداد خجلا وتراجعا
إذن لابد أن نتغير للأحسن ، قال تعالى : { إن الله لايغير ما بقوم حتى يغيروا ما بأنفسهم }
ألبرت آينشتاين منظم البيت السعيد
عدد المساهمات : 192 النقاط : 263 التقييم : 14 تاريخ التسجيل : 21/06/2009 العمر : 33 الموقع : fullhouse.ahlamontada.com
الصراحة أنا وااايد عانيت من الحساسية و ها الحساسية خلتني أبتعد عن الناس و الأحباب صح إني مازعلتهم بس أنا فضلت أخلي حساسيتي لنفسي و ما أزعجهم أبداً و أبتعد عنهم أحسن و لين أحين أعاني من هالحساسية ------------------------ عندي لج ملاحظة يا مس فكرة هالـ عشر طعشر ألف مره ما في شيء إسمه عشر طعشر ألف مرة الله يخليج لا تخربي الأعداد خليها جي مرتبة أخاف بعدين يي حد يقول بدال العشرين عشر طعشر
إستغفر الله
فلافي ابنة عبقرية
عدد المساهمات : 501 النقاط : 626 التقييم : 16 تاريخ التسجيل : 22/06/2009 العمر : 28 الموقع : عالم القطط
مب عن حساسية الجلد 
والحل لهالسالفه له علاقه بتقدير الذات
احسنت الفكرة يا مس فكرة وابدعتي ...ما شاء الله 
بالنسبة للحساسية دائما كا بيني وبين الحساسين تنافر ...انا اقصد الدلوعات منهم اللي ما يتحملون ادنى تعب وازعاج 
